රැකියා ප්රවර්ධන අංශයේ නිලධාරීන් පුහුණුකරුවන් ලෙස පුහුණු කිරීමේ වැඩසටහනක් අද (14) කෑගල්ල දිස්ත්රික් ලේකම් කාර්යාල ශ්රවණාගාරයේදී පැවැත්විණි.
ළමුන්ට රැකියා ලෝකයට පිවිසීමට මග පෑදීමේ හවුල්කරුවෙකු ලෙස ක්රියා කරන "අනාගත ශ්රම බලකාය ශ්රී ලංකාව" වැඩසටහන මඟින් අවශ්ය තොරතුරු සහ දැනුවත්භාවය ලබා දෙයි. වත්මන් අධ්යාපන රාමුවෙන් ඔබ්බට ගොස් නවීන තාක්ෂණය සමඟ මුසු වූ අධ්යාපන ක්රියාවලියකට දරුවන් හඳුන්වා දෙන වෘත්තීය අධ්යාපන ක්රමයක් නිර්මාණය කිරීමේ වැදගත්කම මෙහිදී සාකච්ඡා කෙරිණි.
පාසල් දරුවන් උසස් අධ්යාපනය අපේක්ෂා කරන විට ඔවුන්ට අවශ්ය තොරතුරු සැපයීම, විකල්ප ක්රම පිළිබඳව ඔවුන් දැනුවත් කිරීම සහ රැකියා සොයන විට අවශ්ය මූලික සුදුසුකම් සපුරාලීම පිළිබඳව ඔවුන් දැනුවත් කිරීම ඇතුළු කරුණු ගණනාවක් පිළිබඳව නිලධාරීන් දැනුවත් කරන ලදී.
මෙම වැඩසටහන රැකියා ප්රවර්ධන නිලධාරී රංජිත් මුගුණුවල විසින් සංවිධානය කරන ලද අතර වැඩසටහන සඳහා සම්පත් ව්යාපෘති නිලධාරී ධම්මික බණ්ඩාර විසින් සපයන ලදී.
මෙම අවස්ථාවට අතිරේක දිස්ත්රික් ලේකම් (ඉඩම්) දිලිප් නිශාන්ත මහතා, දිස්ත්රික් ලේකම් කාර්යාලයේ සහ ප්රාදේශීය ලේකම් කාර්යාලවල රැකියා අංශයේ නිලධාරීන් පිරිසක් සහභාගී වූහ.
