දිස්ත්රික් ළමා හා කාන්තා සංවර්ධන කමිටුවේ ජුනි මාසික රැස්වීම අද ( ) කෑගල්ල දිස්ත්රික් ලේකම් කාර්යාල ශ්රවණාගාරයේදී කෑගල්ල දිස්ත්රික් ලේකම් කේ.ජී.එස්. නිශාන්ත මහතාගේ ප්රධානත්වයෙන් පැවැත්විණි.
මෙහිදී ප්රාදේශීය ළමා හා කාන්තා සංවර්ධන කමිටු මඟින් ඉදිරිපත් කරන ලද ළමා හා කාන්තා ක්ෂේත්රයට අදාළ ගැටලු සම්බන්ධයෙන් සාකච්ඡා කර ඒවාට අවශ්ය තීරණ ගැනීම සිදු කෙරිණි. එමෙන්ම 2030 වසර ඉලක්ක කර ගනිමින් කෑගල්ල දිස්ත්රික්කයේ ළමා හා කාන්තා සංවර්ධන ක්ෂේත්රයේ පවතින ගැටලු සඳහා ප්රායෝගික හා උපායමාර්ගික විසඳුම් ක්රියාත්මක කිරීම පිළිබඳව දීර්ඝ ලෙස අවධානය යොමු කෙරිණි.
කෑගල්ල දිස්ත්රික් මත්ද්රව්ය නිවාරණ කමිටුවේදී ද සාකච්ඡාවට ලක් වූ පාසල් සිසුන් පොදු ප්රවාහන සේවාවන් තුළදී "බුලත්" (දුම් රහිත දුම්කොළ නිෂ්පාදන) භාවිත කිරීමේ ප්රවණතාව පිළිබඳව මෙහිදී විශේෂ අවධානය යොමු කෙරිණි. ඒ සම්බන්ධයෙන් ශ්රී ලංකා පොලීසිය මඟින් බස් රථ පරීක්ෂා කර අවශ්ය නීතිමය ක්රියාමාර්ග ගැනීමත්, අදාළ නිලධාරීන් දැනුවත් කර ඉදිරි කමිටු රැස්වීම්වලදී වැඩිදුර සාකච්ඡා කිරීමත් තීරණය කෙරිණි.
වයස අවුරුදු 3 සිට 5 දක්වා විශේෂ අවශ්යතා සහිත දරුවන් සඳහා විධිමත් පුහුණු කටයුතු සිදුකිරීමට අවශ්ය පහසුකම් සහිත මුල් ළමාවිය සංවර්ධන මධ්යස්ථාන නොමැති වීම පිළිබඳව ද සාකච්ඡා කෙරුණු අතර, එවැනි මධ්යස්ථාන අවශ්ය ප්රදේශවල ස්ථාපිත කිරීමේ අවශ්යතාව අවධාරණය කෙරිණි.
වතු ප්රජාව ඇතුළු විවිධ ප්රදේශවල දරුවන්ගේ උප්පැන්න සහතික සකස් නොවීම, රජයේ, පෞද්ගලික හා වතු පාසල්වල පාසල් නොයන දරුවන් සම්බන්ධ ගැටලු ද මෙහිදී සාකච්ඡාවට ලක් විය. එහිදී පාසල් යටිතල පහසුකම් හිඟය, සනීපාරක්ෂක පහසුකම් නොමැති වීම, මත්ද්රව්ය භාවිතය, පෝෂණ ගැටලු, පවුල් ආරවුල්, ප්රවාහන දුෂ්කරතා, පානීය ජල ගැටලු, දරුවන්ගේ අධ්යාපනය පිළිබඳ උනන්දුව අඩුවීම, දෙමාපියන්ගේ දැනුවත්භාවය අඩුවීම, නිවස තුළ අධ්යාපනයට සුදුසු පරිසරයක් නොමැති වීම, වතු ප්රදේශවල ද්විතීයික පාසල් හිඟය, විදේශගත දෙමාපියන්, දිගුකාලීන ආබාධ සහ ආර්ථික දුෂ්කරතා වැනි කරුණු පිළිබඳව විශේෂ අවධානය යොමු කෙරිණි.
ජාතික අන්තරායකර ඖෂධ පාලක මණ්ඩලයේ කෑගල්ල දිස්ත්රික් බාහිර සේවා සහකාර එස්.සී. තොට්ටවත්ත මහතා විසින් 2026 ජනවාරි 1 සිට අප්රේල් 30 දක්වා කාලය තුළ සිදු කළ ප්රගතිය පිළිබඳ වාර්තාව ඉදිරිපත් කරන ලදී. එම කාලය තුළ නව සේවාලාභීන් 67 දෙනෙකු හඳුනාගෙන ඇති අතර, කෘෂිකාර්මික ක්ෂේත්රය, දරුවන්, දෙමාපියන්, රාජ්ය නිලධාරීන්, නීතිය ක්රියාත්මක කරන ආයතන, ප්රජා මට්ටමේ වැඩසටහන්, මත්පැන් නිවාරණ වැඩසටහන් සහ ප්රජා ප්රතිකාර වැඩසටහන් ඇතුළුව වැඩසටහන් 27ක් පවත්වා තිබේ. එම වැඩසටහන් සඳහා පුද්ගලයින් 14,838 දෙනෙකු සහභාගි වී ඇති අතර, පුද්ගලයින් 9 දෙනෙකු ප්රතිකාර හා පුනරුත්ථාපන මධ්යස්ථාන වෙත යොමු කර තිබේ.
ජාතික ළමා ආරක්ෂක අධිකාරිය විසින් 2026 ජනවාරි මාසයේ සිට කෑගල්ල, මාවනැල්ල, අරණායක, රඹුක්කන, ගලිගමුව සහ බුලත්කොහුපිටිය ප්රාදේශීය ලේකම් කොට්ඨාසවල ලැබුණු පැමිණිලි සම්බන්ධයෙන් සිදු කළ ප්රගතිය ද ඉදිරිපත් කරන ලදී. ඒ අනුව විමර්ශන, මානසික සමාජීය සහාය, සායනික සිද්ධි සාකච්ඡා, පාසල්ගත කිරීම, භාරකරුවන් වෙත භාරදීම, පාසල් උපකරණ හා වෙනත් ආධාර ලබාදීම, වෘත්තීය පුහුණුවට යොමු කිරීම, පොලීසිය වෙත යොමු කිරීම, උපදේශන සේවා සැපයීම සහ උප්පැන්න සහතික ලබාදීම වැනි මැදිහත්වීම් රැසක් සිදු කර ඇති බව සඳහන් කෙරිණි.
මීට අමතරව, Clean Sri Lanka වැඩසටහනට සමගාමීව කෑගල්ල කාර්මික විද්යාලයේ නවක සිසුන් දැනුවත් කිරීම, ජාතික අන්තරායකර ඖෂධ පාලක මණ්ඩලය මඟින් ක්රියාත්මක කරන ලද මත්ද්රව්ය නිවාරණ වැඩසටහන්, ප්රාදේශීය මත්ද්රව්ය නිවාරණ කමිටු නිලධාරීන් දැනුවත් කිරීම, පොලිස් දැනුවත් කිරීමේ වැඩසටහන්, මත්ද්රව්ය නිවාරණ සතියට සමගාමීව පැවැත්වූ ප්රජා හා පාසල් දැනුවත් කිරීමේ වැඩසටහන්, දෙමාපියන් සඳහා දැනුවත් කිරීමේ වැඩසටහන්, ප්රජා සංවර්ධන පුහුණු වැඩසටහන් සහ "රට එකට" ජාතික වැඩසටහන යටතේ අරණායක ප්රාදේශීය ජාතික සභාව ස්ථාපිත කිරීම ඇතුළු දිස්ත්රික්කය පුරා ක්රියාත්මක වූ වැඩසටහන් පිළිබඳව ද මෙහිදී සමාලෝචනය කෙරිණි.
මෙම අවස්ථාවට අතිරේක දිස්ත්රික් ලේකම් (රාජ්ය) කුසුම් බණ්ඩාර මහතා, සහකාර දිස්ත්රික් ලේකම් මල්ෂා එල්. ප්රියදර්ශනී මහත්මිය, ප්රාදේශීය ලේකම්වරුන්, පූර්ව ළමාවිය සංවර්ධන අධිකාරියේ පළාත් අධ්යක්ෂ, කෑගල්ල, දෙහිඕවිට හා මාවනැල්ල කලාප අධ්යාපන අධ්යක්ෂවරුන්, ළමා සෞඛ්ය, පෝෂණ හා මානසික සෞඛ්ය පිළිබඳ විශේෂඥ වෛද්යවරුන්, දිස්ත්රික් සෞඛ්ය සේවා අධ්යක්ෂ, දිස්ත්රික් සැලසුම් අධ්යක්ෂ, ග්රාමීය පෝෂණ කමිටුවේ නියෝජිතයින්, ශ්රී ලංකා පොලීසිය, ජාතික ළමා ආරක්ෂක අධිකාරිය, රාජ්ය නොවන සංවිධාන නියෝජිතයින් සහ දිස්ත්රික් හා ප්රාදේශීය කාන්තා සංවර්ධන නිලධාරීන් ඇතුළු පිරිසක් සහභාගි වූහ.
